ठाणेः ठाणे पूर्वकडील रेल्वे स्टेशन परिसरातून एका दोन वर्षाच्या मुलीचे अपहरण झाले असून, या प्रकरणी कोपरी पोलीस ठाण्यात गुन्हा दाखल करण्यात आला आहे.

काहीच काम करत नव्हता. त्यामुळे उदरनिर्वाहाचा प्रश्न निर्माण झाल्याने जालना पिंपळगाव येथून ३५ वर्षांची महिला मुलगा (५ वर्ष) आणि दोन वर्षाच्या मुलीसह बुधवारी ठाण्यात आली. रेल्वेने सकाळी ६ वाजता ठाणे रेल्वे स्थानकात उतरल्यानंतर बुधवारचा संपूर्ण दिवस स्थानकातच बसून काढला. रात्री जेवण करून स्थानकातील दहा नंबरच्या फ्लॅटफॉर्मबाहेरील मोकळ्या जागेत महिला दोन मुलांसह झोपली. गुरुवारी सकाळी ७ वाजता तिला जाग आल्यानंतर मुलगी दिसली नाही. महिलेने कोपरी पोलिस ठाण्यात धाव घेत अपहरणाची तक्रार केली. मुलगी अद्याप सापडली नसून तिचा शोध सुरू असल्याचे पोलीस उपायुक्त अविनाश अंबुरे यांनी सांगितले.

फ्लॅटफॉर्मच्या मोकळ्या जागेत महिला मुलांसह झोपली असताना रात्री पावणे दोन वाजता पोलीस त्या ठिकाणी आले. त्यांना झोपेतून उठवून येथे झोपू नका, असे त्यांना सांगितले. मात्र, रात्री जाणार तरी कोठे? त्यामुळे पोलिस गेल्यानंतर पुन्हा त्याठिकाणी मुलांनासोबत घेऊन झोपली.