स्वातंत्र्यसेनानी, यशस्वी शिक्षिका आणि माध्यमिक शिक्षक संघाच्या सक्रिय सदस्य असलेल्या तिलोत्तमा यशवंत रेडकर यांचे गुरुवारी गिरगाव येथे वृद्धापकाळाने निधन झाले. त्या ९३ वर्षांच्या होत्या. त्यांच्या पश्चात अरविंद, यतीन हे   दोनमुलगे,सननंदाआणिनातवंडेअसापरिवारआहे. 

तिलोत्तमा यांच्यावर ग्रँट रोड येथील भाटिया रुग्णालयात काही दिवसांपासून उपचार सुरू होते. तिथे उपचारादरम्यान त्यांची प्राणज्योत मालवली. गावदेवी येथील मास्टर्स ट्युटोरियल शाळेत त्या शिक्षिका होत्या. विद्यार्थीप्रिय शिक्षिका अशी त्यांची ख्याती होती. स्वातंत्र्य चळवळीत त्यांनी हिरिरीने भाग घेतला. भारतीय महिला फेडरेशनमध्ये त्या सक्रिय होत्या. गावदेवी परिसरातील 'लोक विज्ञान चळवळीत'ही त्यांचा सहभाग होता. भारतीय कम्युनिस्ट पक्षाच्या सदस्य म्हणून त्यांनी अनेक दशके काम केले.