सोबत राहणारे कधी धोका देतील आणि कसा फायदा उठवतील याचे सांगणे कठीण आहे. असाच प्रकार एका २४ वर्षीय युवकासोबत घडला असून, त्याने बदनामीच्या भीतीने आत्महत्या केली आहे. डहाणू वाणगाव रेल्वे स्टेशनपाडा येथे राहणाऱ्या 24 वर्षीय राहुल मिश्रा या युवकाची दोन सहकाऱ्यांनी विवस्त्र चित्रफीत केली आणि ती दाखवू नये यासाठी पैशाची मागणी केली. तसेच पैसे न दिल्यास बदनामीची धमकी दिल्याने या वारंवार होत असलेल्या त्रासाला कंटाळून राहुल ने गळफास घेऊन आत्महत्याकेली. याबाबत वाणगाव पोलीस ठाण्यात त्याच्या भावाने फिर्याद दाखल केली आहे.